Эҕэрдэлиибит!

aad 09451

Тохсунньу ыйга төрөөбүт күннээхтэри эҕэрдэлиибит!

Иванов Дмитрий Семенович - тохсунньу 1 күнэ
Бережнев Юрий Степанович - тохсунньу 1 күнэ
Иксман Андрей Андреевич - тохсунньу 2 күнэ
Менкяров Гаврил Семенович - тохсунньу 4 күнэ
Алексеева (Бугулова) Иванида Олеговна - тохсунньу 7 күнэ
Прокопьева Надежда Афанасьевна - тохсунньу 10 күнэ
Борисов Александр Петрович - тохсунньу 10 күнэ
Гоголева Юлия Степановна - тохсунньу 12 күнэ
Бубякина Изольда Михайловна - тохсунньу 15 күнэ
Григорьева Варвара Александровна - тохсунньу 15 күнэ
Маркова Елена Дмитриевна - тохсунньу 18 күнэ
Яковлева Валентина Афанасьевна - тохсунньу 21 күнэ
Аммосова Ирина Дмитриевна - тохсунньу 29 күнэ

 Олоҥхо театрын бар дьоно

 

Эҕэрдэлиибит!

manchor b0284

Урааҥхай саха Мындыра,
Уран тарбахтаах Мандара,
Улуу уус убайбыт Барыыс!

ЭЙИИГИН!

Үрдүк Айыылар саха мындыр тылынан бар-дьонуҥ кутун туттун, уран тарбаҕынан урааҥхай удьуордара умна быһыытыйбыт ойууларын-мандардарын бар дьонугар төнүннэрдин, кылыс кытаанаҕын, быһах сытыытын уһааран таһаарбыт уус кыһата умуллан, умнуллан эрдэҕинэ бар дьонун сүрэҕэр кыымы саҕан күөттээтин диэн анаан орто-туруу бараан дойдуга СЭТТЭ ТҮҺҮМЭХ сыл анараа уһугар дыргыл сыттаах күөх окко күөлэһитэн, Күн сирин көрдөрбүттэрэ. Саргылардаах саха аатын аар саарга ааттатаары кэлбит үтүө-мааны күҥҥүнэн тыл сүмэлээҕинэн, дорҕоон чулуутунан, кылыһах кырыымпалааҕынан уруйдаатахпыт, айхаллаатахпыт буолуохтун дуу!

Убайдаатар убайбыт Мындыр өйдөөх, Уран тарбахтаах Мандар Уус!

Үйэ аҥаарыттан ордук мөҥүрүк сыллартан уран саха уустарын улуу тутууларын, ойууларын-мандардарын илэ хараххынан көрөн уһуйуллаары, уран тарбахтарын сылааһын илиигинэн тутан хабан сүрэххэр сөҥөрдөөрү Саха сирин буордаах, уһун суолларын эт атаххынан мээрэйдээбитиҥ. Саҥа үйэ дьалхааннаах тыалыгар уйдаран саха буолары умна быһыытыйбыт бар дьоҥҥун умуллубут уус кыһатын кытардан, күөттээн уһааран таһаарбыт нарын хомуһуҥ тыаһынан уһугуннаран Саха буолалларын санаппытыҥ. Оһуор-ойуу арааһын көрдөрөҥҥүн мындыр, тулуурдаах буоларга уһуйбутуҥ!
Саханы саха дэппит тыа сиригэр эр киһи барахсан үтүө аата кэтэҕэриин сиргэ, муннукка-ханныкка анньыллыбыт кэмигэр баара-суоҕа биллибэт буолан эрэр Баайаҕа сиригэр кыракый дьиэҕэ уус кыһатын кытардан, кыстыгы чыҥырҕатан бар дьоҥҥун ЭР КИҺИ, иитэр-аһатар АҔА буолар үрдүк ааттарын эргиппитиҥ!

Урааҥхай саха Мындыра,
Уран тарбахтаах Мандара,
Улуу уус убайбыт Барыыс!

Эн Улуу талааҥҥын саха ыччатыгар уһуйаҥҥын, үгүс көлүөнэ саха ууһугар туйаххын туура тэптиҥ! Эн уран уус апкын-хомуһуҥҥун иҥэрбит оҕолоруҥ Саха быһаҕын Аар саарга аатырдаллар! Бар дьонуҥ итинник талааннаах ыччаты кэрэ эйгэтигэр сирдээн таһаарбыт УЛУУ УЧУУТАЛ хайаан да маннык ыраас санаалаах, сырдык дууһалаах, ханнык да ыараханы тулуйар модун күүстээх буолуохтаах диэн Эйиигинэн сыаналыыр!

Убайдаатар убайбыт Мындыр өйдөөх, Уран тарбахтаах Мандар Уус!

Айар-тутар, иитэр-такайар үлэҥ табыллан истин, саҕалаабыт дьыалаҥ саргыланнын! Этэр тылыҥ бар дьонуҥ сүрэҕэр тиийэ туруохтун!

Саргы-дьаалы салалыннын!
Өрөгөй-Талаан үрдээтин!

Үөлээннээх доҕотторуҥ
Олоҥхо тыйаатырын сугулаана

 

Эҕэрдэлиибит!

30efdaf3b5da5c78f5eb80ae139e371e ad1e8

Ахсынньы ыйга төрөөбүт күннээхтэри эҕэрдэлиибит!

Кобякова Федора Иннокентьевна - ахсынньы 3 күнэ
Леонова Инга Олеговна – ахсынньы 5 күнэ
Петров Николай Павлович – ахсынньы 15 күнэ
Алексеев Дмитрий Тимофеевич – ахсынньы 15 күнэ
Цыренжапов Денис Викторович – ахсынньы 19 күнэ
Толстякова Сима Петровна – ахсынньы 24 күнэ
Колесова Венера Васильевна – ахсынньы 25 күнэ

Олоҥхо Театрын бар дьоно

 

Эҕэрдэлиибит!

1305521221 dsc 0001 151d6

Уважаемый Андрей Саввич!

Коллектив Театра Олонхо поздравляет Вас с Днем рождения! Пусть Ваша политическая мудрость и ответственность и дальше будут служить надежным фундаментом успешной и плодотворной деятельности в сфере культуры.
От всей души желаем Вам крепкого здоровья, неиссякаемой энергии, успехов во всех делах и начинаниях на благо родного Отечества.

Коллектив Театра Олонхо
28 ноября 2015 г.

 

Эҕэрдэлиибит!

1300192721 stepanov-efim-nikolaevich 49f24

Убайдаатар убайбыт Дьэкиим Ньукулаайабыс!

Сырылаччы сырдатар сырдык-чаҕыл күннээх сандал сааһы көрсөөрү, орто-туруу бараан дойдуга олох олороору, иэримэ дьиэни иччилээн, аал уолу сандаарыччы оттон, оҕо-уруу тэринээри, уран тыл ууһунан бар-дьонуҥ кутун тутаары аҥаарыйар АЛТА УОН БИЭС сыл анаараа уһугар күн сирин көрбүт үтүө-мааны күҥҥүнэн тыл сүмэлээҕинэн, дорҕоон чулуутунан, кылыһах кырыымпалааҕынан уруйдаатахпыт, айхаллаатахпыт буолуохтун дуу!
Убайдаатар убайбыт Дьэкиим Ньукулаайабыс! Түөрт уон биэс мөҥүрүк сыл өттүгэр Улуу Москуба куоракка биэс бэстэрик сыл устата артыыс үөрэҕэр уһуйуллан кэлиэххиттэн үчүгэйи үчүгэй, куһаҕаны тириитин таһынан ылынар мындыр саха көрөөччүтэ тарбахха баттыыр дьоһун талааннаах артыыс ахсааныгар киирбитиҥ. Эн хас биирдии оонньообут оруолгун «Харыан хампа күөх кытыллым» чороҥ соҕотох хаалан баран Эриэн ыт кытылын огдолуйбут олоҕун көннөрө сатыыр Кириск уолчааны, «Илиир хоруолга» барар сирэ баҕана үүтэ буолбут Илиир хоруолу, «Улуу Кудаҥсаҕа» дьонун-сэргэтин туһугар, таптыыр кыыһын толук биэрбит, муҥур уһугар чороҥ соҕотох хаалбыт Улуу Кудаҥсаны кытта тэҥҥэ саха көрөөччүтэ эйиигинниин тэбис тэҥҥэ иэйэр-куойар.
Эн Улуу талааҥҥын саха ыччатыгар уһуйаҥҥын, саха театральнай ускуустубатыгар туйаххын туура тэптиҥ! Эн артыыс буоларга апкын-хомуһуҥҥун иҥэрбит оҕолоруҥ Саха тыйаатырын, Олоҥхо тыйаатырын Аар саарга аатырдаллар! Бар дьонуҥ итинник талааннаах ыччаты кэрэ эйгэтигэр сирдээн таһаарбыт УЛУУ УЧУУТАЛ хайаан да маннык ыраас санаалаах, сырдык дууһалаах, ханнык да ыараханы тулуйар модун күүстээх буолуохтаах диэн Эйиигинэн сыаналыыр!
Убайдаатар убайбыт Дьэкиим Ньукулаайабыс!
Айар-тутар, иитэр-такайар үлэҥ табыллан истин, арыйбыт уобарастаргыттан тирэнэн өссө да чаҕылхай оруоллары таптыыр көрөөччүҥ сыанабылыгар таһааран ис!
Саргы-дьаалы салалыннын!
Өрөгөй-Талаан үрдээтин!

Үөлээннээх доҕотторуҥ, үөрэнээччилэриҥ
Олоҥхо тыйаатырын сугулаана

 


Страница 8 из 36

Иван Шакуров

И.Ю. Пестряков

Афиша

Олоҥхо театра X-с сезонун арыйар
Олоҥхо театра Xс сезонун арыйар Алтынньы 15 күнүгэр киэһэ 17.00 чаастан Алтан Сарын "Эллэй Боотур" айымньытынан...

Поиск