Кыргыыз омук эпоһа «МАНААС» сахалыы тылбааһын туһунан

Кыргыыз омук эпоһа «МАНААС» сахалыы тылбааһын туһунан

Т.И.Петрова, кандидат пед.наук,
доцент, проф. СВФУ

2013 сыл тохсунньуга, Ороһооспо каникула бүтэн эрдэҕинэ, ХИФУ «Олоҥхо» институтун солбуйар дириэктэрэ Сергей Ефимович Васильев миэхэ телефоннаан, «Манаас» эпос сахалыы тылбаастанар буолла, онно эн тугу сүбэлиэҥ этэй?» диэн ыйыппыта. Мин, ол туһунан тугу да истибэккэ сылдьар буолан, оттон толкуйдаан көрүөххэ наада диэбитим. Онтон кэлин ити институт научнай үлэһитэ, Наталья Алексеевна Николаева а) «Программа развития СВФУ на 2013г.» диэн докумуону, б) «Манаас» эпоһы сахалыы тылбаастыыр бөлөх салайааччытынан миигин аныыр туһунан СВФУ ректора Е.И.Михайлова 15.04.2013 илии баттаабыт 413-00 № бирикээс коппуйатын, в) кыргзыз народнай суруйааччыта Б.Жакев быһаарыытын, ХИФУ ректора Е.И.Михайловаҕа «Манас» эпоһы кини автордаах «подстрочно-смысловой» тылбааһыттан сахалыы саҥардарга «с удовлетворением» сөбүлэһэрин туһунан истиҥ-иһирэх тыллаах 2013.23.01. күнүгэр ыыппыт 78-113/28 суругун куоппуйатын, г) «Манаас» флешкаҕа суруллубут нууччалыы тиэкиһин миэхэ тиксэрбитэ.

Ол Программа «Переводы кыргызского эпоса «Манас» на якутский язык и якутского олонхо «Ньургун Боотур Стремительный» на кыргызский язык» диэн Мероприятие 2.59. индекстээх чааһын олус сэҥээрбитим. Холобур, онно «дальнейшее совершенствование техники и методики перевода произведений мировой литературы на якутский язык»; «разработка принципов перевода эпических текстов на другие языки» диэн этиилэр; «этапы работы: а) подготовительный этап: в т.ч. разработка концепции перевода, лингвистическая экспертиза текста; пробные переводы фрагментов (несколько групп одновременно), подготовка специальных словарей, комментариев; обсуждение вариантов и утверждение коллектива переводчиков; б) основной этап ... в) заключительный этап (редактировение научное; художественное); подготовка к публикации книжного и мультимедийного вариантов» диэн этиилэр бааллара.
Биһиэхэ тылбаастаммыт хас да олоҥхо баарын билэбит, мин эмиэ кыттар буоларым эрээри, тылбааһы бу курдук сиһилии бэлэмнэнииллэрин истибэт этим. Мөлтөх тылбаас тахсара, ону хос-хос көннөрө сатыыр итинник бэлэм ситэтэ суоҕуттан тахсар эбит диэн өйдөөбүтүм. Уонна боруобалаан көрөр баҕа санаа киирбитэ. Түмүгэр, барыллаан маннык үлэ буолан тахсыбыта. 

Вернуться назад  

Иван Шакуров

И.Ю. Пестряков

Афиша

Олоҥхо театра X-с сезонун арыйар
Олоҥхо театра Xс сезонун арыйар Алтынньы 15 күнүгэр киэһэ 17.00 чаастан Алтан Сарын "Эллэй Боотур" айымньытынан...

Поиск