КРЫЛЬЯ ЭПОСА

КРЫЛЬЯ ЭПОСА

СЕРГЕЙ МИХАЛКОВ,
действительный член Академии педагогических наук СССР.
Лауреат Ленинской премии,
Герой Социалистического Труда

Нюргун Боотур Стремительный. –
Якутское книжное издательство, 1975.

mixalkov 05c3c«Нюргун Боотур Стремительный» — крупнейший памятник героического эпоса якутского народа, свидетельство его огромной духовной культуры — впервые переведен на русский язык, язык межнационального общения всех наций и народностей СССР.

Одним из первых глубокий научный анализ героического эпоса якутов — олонхо дал создатель якутской советской литературы и организатор ее творческих сил, крупнейший якутский поэт и бесстрашный революционер Платон Ойунский. Много лет жизни он посвятил своду в единый сюжет героического эпоса «Нюргун Боотур Стремительный». В те далекие теперь для нас 20-е годы в Якутии далеко не все понимали, как важно собирать и изучать богатство фольклора: иные предпочли разом перечеркнуть все прошлое только потому, что оно уже минуло...

Подробнее...
 

Аудиоматериалы в исполнении Г.Колесова из олонхо "Нюргун Боотур Стремительный"

olonkho 25684

Аудиоматериалы в исполнении Г.Колесова из олонхо "Нюргун Боотур Стремительный"
("Ньургун боотур" олоҥхоттон Г Колесов толоруутугар персонажтар ырыалара)

Подробнее...
 

Самаан сайын кэлбитинэн

nukuolun 6 00e51Саха саҥа дьылыгар тэҥнээх күҥҥэ сиргэ-уокка Иэйиэхсит чугаһаан, кини сылаас тыына сиргэ түһэр, ууга-окко, салгыҥҥа иҥэр, өҥү-быйаҥы түстүүр. Иэйиэхсит күүһүнэн самаан сайынтан уйгуланан саха киһитин олоҕо сайынынан салҕанар.
Олоҥхо театрын артыыстара, үлэһиттэрэ ыам ыйын 22 күнүгэр ыалдьытымсах Атласовтар тэлгэһэлэригэр сайыны көрсө, Ньукуолуну бэлиэтии тахса сырыттыбыт.
Үгэс быһыытынан, сири-уоту аһаттыбыт, буруо унаарыттыбыт, сиэри-туому оҥордубут, алгыс иҥэриннибит.
Олоҥхо театрын профсоюһа XIII төгүлүн ыытыллар культура үлэһиттэрин сойуустарын Спартакиадатын түмүгүнэн бочуотунай грамоталары, махтал суруктары туттартаата. Минньигэс өлгөм астаах сандалы остуолу тардан, көрдөөх оонньуулары тэрийэн, ылбаҕай ырыанан түһүлгэни киэргэтэн, Олоҥхо театрын дьоно-сэргэтэ бэрт сэргэхтик сынньанан кэллибит.
Бары да санаалыын сайҕанан, көхсүлүүн кэҥээн, ыраастанан, саха дьонун быһыытынан, үрүҥ тунах сайыҥҥа үктэннибит!

 Хаартыскалары фотогалереяҕа көрүҥ.

 

XIII төгүлүн ыытыллар культура үлэһиттэрин сойуустарын Спартакиадата

spartakiada 100ceЫам ыйын 18 күнүгэр XIII төгүлүн ыытыллар культура үлэһиттэрин сойуустарын Спартакиадата түмүктэннэ. Олоҥхо театра 10 хамаанданы кытары күрэс былдьаһан, иккис бочуоттаах миэстэни ылла. Уонна 40 тыһыынча сууммалаах сертификатынан наҕараадаланна.
Үлэһиттэр 7 көрүҥҥэ күрэхтэстилэр: волейболга, шашкаҕа, шахмакка, харбааһыҥҥа, остуол тенниһигэр, хабылыкка, сүүрүүгэ. Спартакиада тэрээһинэ, хаамыыта сүрдээх көхтөөх, иллээх эйгэҕэ үрдүк таһымҥа ааста.
Күрэхтэһии түмүгүнэн Олоҥхо Театра:
Волейболга - 3 миэстэ, шашкаҕа – 10 миэстэ, шахмакка – 2 миэстэ, харбааһыҥҥа – 2 миэстэ, остуол тенниһэ – 2 миэстэ, хабылыкка – 5 миэстэ, сүүрүүгэ – 2 миэстэ буолла.

 

Олоҥхо Театра бэс ыйын 8, 9 күннэригэр Венера Петрова – Сайдыына Чэгдэ олоҥхо-пьесатынан суруллубут «Кубулҕат Куо» моноспектакль премьератыгар ыҥырар

Олоҥхо Театра бэс ыйын 8, 9 күннэригэр Венера Петрова – Сайдыына Чэгдэ олоҥхо-пьесатынан суруллубут «Кубулҕат Куо» моноспектакль премьератыгар ыҥырар.

Оруолу толорор Олоҥхо Театрын эдэр артыыската Лена Уваровская
Режиссер – Динислам Тутаев
Художник – Михаил Егоров
Көстүүмнэри таҥна – Сардана Федотова

Буолар сирэ: Былатыан Ойуунускай аатынан Саха театрын аччыгый саалата
Саҕаланар: 18:00
Билиэт сыаната: 100 солк.
Билсэр телефоҥҥут: 700-859, Саха театрын кассата 34-13-31

Аннотация

Кубулҕат Куо.
Куйаар бүппэт ырыата.

Ап-хомуһун баар – аан дойдуну аттарар амырыын күүс. Абааһыта-айыыта биллибэт буолан, дьүһүн кубулунан, киһи сиэрдэнэн ортотунан олохтоох ороҕун устун күнү барааччы да баара буолуо. «Кубулунуу да араастаах. Ааһар былыт албына, көһөр былыт көлдьүнэ Күбэ-Күөйэ» да «Иэдэннээх ибиирэр Идэлээх, Адьарайынан тыынар ааттаммат абааһы» да буоллар, «Көстөр көрүйэ көтүллэ сылдьарын биллэр бэйэтэ бииртэн биир буола дьүһүн кубулуйарын» билинэр. Күн улууһун күндүтэ Күбэ буолуоҕун күөмчүлүүр иккис бэйэтэ – Күөйэлиин күрэстэһэн, үчүгэй-куһаҕан буола оонньуу сылдьан, айыы аймаҕын ааттааҕын таба көрөн, тапталга таарыллан, икки бэйэтиттэн биир киһилии киэптээһин ордорон, бүтэһиктээхтик дьүһүн кубулуйуута- Кубулҕат Куо буола уларыйыыта, сирдээх халлаан ыпсыбат ыырыгар алдьатыах дуу, абырыах дуу, аналын көрсөн атын буоларга дьулуһуута бу оонньууга ойууланар.
Биирдэ кэлэр олоххо биир бэйэбит биэс буола оонньуубут, дьүһүн кубулуйабыт - ол да иһин оччоттон баччааҥҥа диэри олох олоруу умсугутуулаах да, охсуулаах да...

ТАПТАЛ диэн АЙАР КҮҮС бэйэни тосту уларытар, тупсарар, туругурдар ТАҤАР КҮҮС!

Биир бэйэбитигэр икки киһи уйаланар, икки суол эрдэттэн суруллар. Онтон хайатын таларбыт, утүө дуу, мөкү дуу өттүгэр охторбут бэйэбититтэн тутулуктаах. Таптал диэн таба талан, хат таларга, кыаҕы аһар, абы таҥара анаан айдаҕа, аараабыт аан дойдубутугар айсар, аттарар кыаҕы бэлэх уунан эрдэҕэ. Абааһы кытары атын буолар аналлаах. Үтүө мөкүтүйэрэ дөбөҥ, мөкү үтүөҕэ кубулуйара уустук, уһун, биир киһи – бүппэт Куйаар. «Кубулҕат куо» ол Куйаар бүппэт ырыата.

 

Олоҥхо театра бэс ыйыгар И.Г. Тимофеев - Теплоухов "КУРУУБАЙ ХААННААХ КУЛУН КУЛЛУСТУУР" олоҥхо-испэктээкилин премьератыгар ыҥырар.

Олоҥхо театра бэс ыйыгар И.Г. Тимофеев - Теплоухов "КУРУУБАЙ ХААННААХ КУЛУН КУЛЛУСТУУР" олоҥхо-испэктээкилин премьератыгар ыҥырар.

Буолар сирэ: Хаҥалас улууһун Өктөмүгэр, Чапаево бөһүөлэгэр, культура-сынньалаҥ киинэ "Арчы дьиэтэ".

Олоҥхону туруорааччы режиссер А.С. Борисов,
режиссер Г.С. Васильев,
туруорааччы художник М.В. Егоров,
художник С.С. Федотова;
олоҥхону театрга туруорарга сѳптѳѳх гына З.Г. Попова таҥна;

сүрүн оруолларга – Д. Алексеев, Ю. Санникова, Д. Иванов, В. Исаков, Н. Баишев, П. Баснаев, И. Дакаяров уо.д.а.

Подробнее...
 


Страница 224 из 232

Иван Шакуров

И.Ю. Пестряков

Поиск

Карта посетителей