Олоҥхо – олох үөрэҕэ

“Олоҥхо – олоххо” бырайыак

nb2 eaca9Бу күннэргэ П. А. Ойуунускай улуу олоҥхотуттан «Дьулуруйар Ньургун Боотур» Бастакы ырыатын Саха тыйаатырыгар толорбуттарыгар сырыттыбыт. Бу туруоруу “Олоҥхо – олоххо” бырайыак чэрчитинэн таҕыста. Ааптара – рок муусукаан, Олоҥхо тыйаатырын дириэктэрэ, олоҥхону муусуканан доҕуһуол суолунан утумнаахтык үлэлиир Виталий Гаврильевич Власов.
Былатыан Ойуунускай улуу олоҥхото «Дьулуруйар Ньургун Боотур» Бастакы ырыатын тыла-өһө сыанаттан аан маҥнай толору иһилиннэ. Бу саха норуотугар сүдү суолталаах түгэн. Дьон өйө-санаата күүрбүтэ, кута-сүрэ туоххаһыйбыта, сырдыкка-кэрэҕэ эрэлэ бүтүннүүтэ түмүллэн көһүннэ. Ол дарбааннаах улахан биллэрии суоҕун үрдүнэн, Саха тыйаатырын уораҕайыгар баппат үгүс киһи кэлбитин биир сүрүн төрүөтэ буолла.
Саха тыйаатырын сыанатыгар 45 киһи тилэри сааһылаһан олорон, икки чаас устата олоҥхо Бастакы ырыатыттан биир да түгэни көтүппэккэ, олугу хаалларбакка, хайдах суруллубутунан аахпыттара, эппиттэрэ-тыыммыттара дьикти үчүгэй түгэни үөскэттэ. Тылы кытары тыас-уус, дорҕоон доҕуһуоллаһан, биир дьүрүскэн буолан, сахалыы тыын сатыылаата, иһирэх иэйии буолан иэммитин ириэрдэ, тыыммытын уһатта, куппутун-сүрбүтүн куоһаата.

Подробнее...
 

Чем дальше, тем лучше!

nb2 f4bb3Финал новой музыкальной постановки олонхо «Ньургун Боотур» в национальном академическом театре имени Платона Ойунского... Зрители хлопают с выкриками «браво!» стоя. Это еще одна крупная удача автора, композитора этого интересного спектакля – Виталия Власова, директора театра Олонхо, заслуженного деятеля искусств Республики Саха (Якутия), которого мы знаем с начала 80-х годов как талантливого и популярного музыканта.
Успех налицо, но... Но, зная, что это только начало, первая часть огромного замысла автора, мне хочется, чтобы остальные последующие части нового «Ньургун Боотура» имели все больший и больший успех, хочется выразить публично свои личные наблюдения и пожелания, которые могут помочь постановщикам в дальнейшем достичь в их творческом проекте незабываемых успехов.

Подробнее...
 

Олоҥхо тыйаатырын саҥа бырайыага кэрэхсэттэ

nb2 441a3Олоҥхо тыйаатырын дириэктэрэ В.Г. Власов П.А. Ойуунускай “Дьулуруйар Ньургун Боотур” олоҥхотун бэйэтэ суруйбут музыкатынан доҕуһуоллаан, Таатта, Уус Алдан, Чурапчы, Үөһээ Бүлүү, Дьааҥы улуустарыттан уонна Дьокуускай куораттан ыллыыр-туойар дьоҕурдаах, олоҥхону толорор кыахтаах талааннаах дьоннору кытыннаран, Саха академическай тыйаатырыгар толорон иһитиннэрдилэр. Туруоруу сүрүн сыала-соруга улуу Б. Ойуунускай суруйан хаалларбыт олоҥхотун тылын-өһүн уларыппакка, ырыатын-тойугун тыыннаах музыканан доҕуһуоллаан билиҥҥи көрөөччүлэргэ сыа-сым курдук тиэрдии буолар.
Дьэ ол да иһин аныгы информационнай технологиянан киэҥник рекламаламмыт уонна киириитэ босхо да буолан, тыйаатырга көрөөччүлэр көхтөөхтүк кэлбиттэр. Олоҥхобут ЮНЕСКОҕа аан дойду дойду кылаан чыпчаалынан билиниллиэҕиттэн кэрэхсэбил биллэрдик улаатта. Мин үлэбэр тардыллан алта чаас саҕана кэлиибэр тыйаатыр аана сабыллыбыт, таһыгар бэрт элбэх киһи кыайан киирбэккэ хаамса сылдьаллара. Олоҥхо тыйаатырын аанынан киирбитим: саала толору, мин курдук хойутаабыттар туран эрэ көрөргө тиийбиппит. Кэлин, хата, А.С. Борисов таба көрөн, олоппос аҕалан биэрэн, дуоһуйа көрдүм.

Подробнее...
 

Олоҥхо - олоххо...

nb a537fМин бииргэ үөрэммит до5орум, айыл5аттан талааннаах бэйиэт, мусукаан, бөлүһүөк Виталий Власов- Былаас туһунан уонна кини бу аан бастаан туруорбут муусука до5уһуоллаах Былатыан Ойуунускай "Дьулуруйар Ньургун Боотур" олоӊхотун маӊнайгы ырыатын туһунан санаабын этиэхпин санаатым. Ол са5ана, 1995 сыллаахтан ЯГУ-га Саха салаатыгар үөрэнэр эрдэхпититтэн Былаас ураты туһунан көрүүлээх, куруук сүбэлиир-амалыыр, киэӊ кө5үстээх, дириӊ билиилээх этэ, учууталлар, уһуйааччылар кинини кытта өр сэһэргэһэр, ытыктыыр, убаастыыр "үөрэнээччилэрэ" этэ. Кини искусство бары хайысхатыгар тус көрүүлээх, саӊа санаалаах.
Дьэ онон, бу сырыыга "Ноо!"- дии дии бу дьыл ыам ыйын 12 кунугэр Саха тыйаатырын киэӊ киэлитэ кэлбит элбэх дьонтон кырдьык да кыараабыкка, кыччаабыкка дылы буолла, ыһыах кэриэтэ сахам дьоно барахсан лыык курдук ыга анньан кэллэ, үмүөрүһэ түмүстэ. Бу кун долгутуулаах этэ- өтөрүнэн буолбатах улахан история5а киирэр түгэн, боруобалаан көрүү, олоӊхолоон холонуу, өссө буолан- аан бастаан олоӊхо муусука до5уһуоллаах тэрээһинэ. Маны барытын иилээн- са5алаан, тэрийэн, уйан, салайан таһаарда, күн сирин көрдөрдө- Таатта талыы чулуута, мусукаан, бэйиэт, салайааччы Битээлий Былааһап.

Подробнее...
 

ОЛОҤХО: ДОРҔООН УОННА ДОҔУҺУОЛ

ОЛОҤХО: ДОРҔООН УОННА ДОҔУҺУОЛ

nb 7a194Олоҥхо саха киһитэ быдан былыргыттан аан дайдыны анаарар ураты тыыныгар, өйүгэр, санаатыгар - мифологиятыгар олоҕуран, омук болкулуорун үгүс көрүҥүн үксүн биир кэлимсэ түмэн илдьэ кэлбит сүдү айымньы буолар. Суруга суох саха омуга өбүгэтин үйэлэргэ муспут барҕа баайын мындыр өйүгэр тутан, биир саанырга түммүтэ. Ол эрээри, олоҥхо тыыннаах эйгэтэ сүүрбэһис үйэ иккис аҥаарыттан мөлтөөн барбыта. Манна олох-дьаһах, идиэйэ сүрүн тосхоло уларыйыыта улахан оруолу ылбыта. Толорор үөрүйэх тыыннаах ситим күүһүнэн бэриллиитэ үрэллибитэ, идэтийбит олоҥхоһут дьон ахсаана лаппа аҕыйаабыта. Ыллыыр, туойар дьоҕурдаах дьон олоҥхоттон сыыйа тэйэн, аналлаах дьарык гыммат буолбута. 2005 сылга олоҥхо ЮНЕСКО анал номинациятын ылыаҕыттан аныгы кэм арҕаһыгар, сүүрбэ биирис үйэ сүүһүгэр иккис тыына киирбитэ. Ол эрээри, урукку курдук аныгы саха киһитэ олоҥхону сатаан истэр дьоҕура уһукта илик диэтэххэ олус сыыспатым буолуо...
Өрөспүүбүлүкэ анал бырагыраама ылынан, үп-харчы көрөн олоҥхо тиллэр тиһигин оҥоро, уһуктар ыллыгын торумнуу сатыыр. Олоҥхо тыйаатыра тэрилиннэ, олоҥхону чинчийии дириҥиир (Гуманитарнай чинчийэр үнүстүүт, Хотугулуу-илиҥҥи бэдэрээссийэлии үнүбэрсиэт Национальнай оскуола үнүстүүтэ), үнүбэрсиэккэ анал үнүстүүт (Олоҥхо үнүстүүтэ) аһылынна. Саха сиригэр "Олоҥхо" ассоциацията тэрилиннэ, олоҥхо ыһыаҕа ыһыллар буолла. Олоҥхону үйэтин тухары үөрэппит, чинчийбит бэрэпиэссэр В.В. Илларионов билигин даҕаны тиһигин быспакка, сылайар, элэйэр диэни билбэккэ, олус бэриниилээхтик туруулаһар, тэрээһиннэри тэрийсэн сүүрэр-көтөр. Саастаах дьон ол тэрээһиннэргэ сылдьар, истэ-билэ сатыыр. Арай эдэр көлүөнэттэн, ыччат, оҕо дьонтон олоҥхону истээччи, олоҥхонон тыыннанааччы, утаппыттыы ылынааччы соччо биллибэт...

Подробнее...
 


Страница 3 из 69

Иван Шакуров

И.Ю. Пестряков

Афиша

Олоҥхо театра X-с сезонун арыйар
Олоҥхо театра Xс сезонун арыйар Алтынньы 15 күнүгэр киэһэ 17.00 чаастан Алтан Сарын "Эллэй Боотур" айымньытынан...

Поиск