Алаас тутула

Алаас тутула

Тыа сириттэн илгэлэнэн ханнык баҕарар саха дьонугар ханнык да киһи кутун-сүрүн долгутар алаас курдук кэрэттэн-кэрэ, күндүттэн-күндү туох да суох. Тыаҕа сылдьан алаас чэлгийэ көҕөрбүт дуолугар киһини чэбдигирдэр дьайыылаах улахан комогоническай тутуллаах энергетиканы эккэ-хааҥҥа иҥэриннэххэ чахчытынан куппут дуоһуйа ыраастанар. Оччотугар биһиги тулалыыр эйгэбититтэн дьүһүйүллэн, айылҕалыын алтыһаммыт саҥа күүһү ылынан иҥэринэбит, эдэрсийэбит, кыаҕырабыт.

АЛГЫС

Аан Дойдубут кииниттэн
Айыллыбыт аанньаллар,
Иэйэхситтэр илгэлэрэ
Аттыбар миэхэ баар буолуҥ,
Ымах гыныҥ куппар-сүрбэр,
Мичик гыныҥ сиэрбэр-туоммар.

Төрөөбүт төрүт буорум
Айылҕатын туомнара,
Алгыһынан арчыланан
Алаас сирбит иччилэрэ
Көмүскэли-абыралы
Алыптааҥҥыт кэрэһэлээҥ

Чөл олоҕу биһирэмнээҥ,
Байылыат туругу барҕадыҥ,
Баҕа санаабыт бүттүүнэ
Барҕара туолан иһиэхтин,
Аанай-туонай барылламмыт
Билгэбитин бигэргэтиҥ.

Алаас сирбит күөнүгэр
Дөрүн-дөрүн сылдьаммыт,
Хааман-сиимэн, таалалаан
Ис турукпут уһуйуллар
Дьүһүйүүтүн күүркэтэбит,
Күүһү-кыаҕы ылынабыт.

Аҕыс айыылар аргыстаһыҥ,
Сэттэ иэйэхсит эҥэрдэһиҥ,
Аанньалларбыт араҥаччылааҥ,
Айыы суола арыллан истин,
Күн аартыга көстө турдун,
Билии тутула тупсан истин!

Кыайыы-хотуу кылааннаннын,
Ситиһиибит ситимнэннин,
Өрөгөйбүт оруннаннын,
Албан ааппыт аатыран
Аар-саар сиргэ туругуран,
Аан Дойдуга тарҕаннын!
Дом! Дом! Дом!

Захаров Иван Иванович – ТИРЭХ, 2015 с.10.16 к. 

Вернуться назад  

Иван Шакуров

И.Ю. Пестряков

Афиша

Олоҥхо театра X-с сезонун арыйар
Олоҥхо театра Xс сезонун арыйар Алтынньы 15 күнүгэр киэһэ 17.00 чаастан Алтан Сарын "Эллэй Боотур" айымньытынан...

Поиск