Я ЗАЯВЛЯЮ ЧЕСТНО, СМЕЛО И ОТКРЫТО

                                                                       Харысхал

   «Я ЗАЯВЛЯЮ ЧЕСТНО, СМЕЛО И ОТКРЫТО,

                           что в истории якутской крамолы многое имеет

                                   наносный характер, есть сведение личных

                               счетов, месть за прошлое и еще худшее –

                                   создать карьеру за счет несчастия и убожества

                                  других, есть и национальная вражда и

                                   партийная рознь…»

(Ф.Г.Сивцев 1928 сыл олунньу 12 күнүгэр БСКСК хамыыһыйатыгар суругуттан)

 

                               «Сын мой!Помни, что смерть не медлит.

                                 Прежде, нежели умрешь, делай добро людям.

                                 Не бойся смертного приговора, ибо

                                 Он отраден для человека изнемогающего…»

                                              ( Книга Премудрости. Глава 41, песнь 3)

Америкаҕа биир дойдулаахпыт. өр сылларга Конгресс библиотекатыгар үлэлээбит Михаил Зиновьевич Винокуров – Михаил Таежник фондатыгар үлэлии сылдьан Соловки аадыттан дууһаларын тэскилэтэн Финляндияҕа куоппут үс саха суруктарын булан ылбытым.

Подробнее...
 

Кумаа иэстэһиитэ

Кумаа иэстэһиитэ
(дьиҥ олохтон кэпсээн)

Василий Васильев - Харысхал

xarusxal 48686Биһиги дьиэбит подъеһыгар куоска оҕотун аҕалан бырахтылар. Хап-хара, арай уҥа илин атахтарын тыҥырахтарын саҕатыгар маҥаннаах. Хара куоска куһаҕаны түстүүр диэн санааттан бэйэлэриттэн дьалты биһиги дьиэбитигэр аҕалан бырахтахтара. Төрөөбүт сириттэн атын сири атыҥыраан, түүнү быһа ньааҕынаан утуйар уубутун алдьатта. Дьиэҕэ киирээри ыаллар ааннарын кэрийэ сылдьан ньааҕыныы-ньааҕыныы тарбыыр. Сарсыарда үлэбэр бараары тахсыбыппар атахпар эриллэ сылдьар. Хаһыйа тэбэн баран ааһа турдум.
Ол курдук иччи көрдөөн киирэр-тахсар киһи атаҕар кэһиллэ сылдьар. Дьон барыта суох оҥоруон баҕарар да хара куоскаттан аньыырҕаан ким да илиитэ барбат. Аҕыйах хонук иһигэр киһи хараҕар биллэр курдук ырда-дьүдэйдэ. Тыыннаах дууһа буоллаҕа, аһынаммын халбаһыы тооромоһун быраҕан аастым. Төһө да аччык буоллар сонно хабыалаан барбата, эргийэ хаамта, сытырҕалаата, эмиэ эргийэ хаамта, сытырҕалаата, салаан ылла. Онтон бэрт кыраны ытыран ылла, ньааҕынаата онтон дуоспуруннаах баҕайытык аһаан барда. Кыра тооромоһу өр гыныа дуо? Аһаан бүтэн баран ньааҕынаата, онтон уоһун тииһин, баппаҕайдарын суунна.

Подробнее...
 

АҔАА!..

АҔАА!..

Истиҥник саныыр дьоммор Савва Егорович,
Андрей Саввич Борисовтарга аныыбын.

Василий Васильев - Харысхал

xarusxal 48686Уопсайга олорор студеннарга кэлэр почтаҕа анаан оҥоһуллубут дьааһыкка «Ы» буукубалаах уйа өрүүтүн кураанах ыртайан турар буолааччы.
«Ы» буукубаттан саҕаланар араспаанньалаах уопсай үрдүнэн (бүтүн институкка да диэххэ сөп) мин кэннэ ким да суох.
Ол эрээри ити уйа лоп курдук ыйга биирдэ халыҥ соҕус саһархайдыҥы лоскуй кумааҕы иччилэнээччи. Аҕам тылынан, ол мин «ыйдааҕы кредитим». Стипендия диэн кыылларын маҥнайгы кууруска үөрэнэрбэр бастакы сессияҕа диэри эрэ тута сылдьыбыттааҕым. Үөрэхпэр, аһары да мөлтөх буолбатарбын, сырыы аайы «үстэнэн» иһэбин. Онон хара ааныттан аҕам оҕонньор «үбүлээһинигэр киирбитим». Хаһан, төһө харчыны ыыппытын барытын хап-халыҥ «Бухучет» диэн суруктаах кинигэҕэ тэбис-тэҥ кып-кырылас буочарынан суруйан, тиһэн иһэр.

Подробнее...
 

«ООККОЛОРУМ БЫЫҺААҤ!..»

«ООККОЛОРУМ БЫЫҺААҤ!..»
(Күһүҥҥү Аммаҕа түбэлтэ)

Василий Васильев - Харысхал

xarusxal 48686Күһүн этэ. Сайыны быһа Илин Үрэххэ окко үлэлээбит оскуола оҕолоро үөрэхтэригэр киирбиттэрэ. Тохсуска үөрэниэхтээх түөрт уолу «күһүҥҥү практика» диэн ааттаан, от күрүөтүн оҥорторо хаалларбыттара. Салайааччынан Саабаны анаабыттара. Киһибит салайааччы буолаат, тута уларыйан, биһигини кытта үөгүүнэн-хаһыынан эрэ кэпсэтэрэ, өрүү мөҕө-дьарыйа эрэ сылдьыан баҕарара.
Күн аайы хатылана турар күүс үлэттэн сылайан-элэйэн, хал буолан, дэриэбинэҕэ киирэр күммүтүн ааҕа сылдьар буолбуппут. Саамай ыарахана – хаһыҥнаах сарсыарда сылаас суорҕан анныттан Сааба хаһыытынан туруу этэ.
Кэмниэ-кэнэҕэс үлэбит дьэ үмүрүйэн, тиһэх оппут күрүөтүн онон-манан сабыта туппуппут. Сонно тута, аһыыр да бокуойа суох, эмиэ бэйэбит курдук иэҕэҥнэс буола ырбыт аттарбытыгар таһаҕаспыт дуомун ыҥырдан, түүннэри ахтылҕаннаах Элэһиммит диэки түһүнэн кэбиспиппит.
Түүнү быһа айаннаан, Амма өрүскэ эбиэт саҕана тиийбиппит. Элэһиммит өрүс уҥуор, биһиги турар кытылбытыттан балтараа көстөөх сиргэ баара. Аттарбытын манна хаалларан, уҥуортан дэриэбинэҕэ сатыы барыахтаахпыт. Миинэр миҥэлэрбитин сыбыдахтаан, бастарын быатын сүөртэлээн, кэнчээригэ ыыталаабыппытыгар ырбыттара, илистибиттэрэ бэрт буолан дуу, хамсаабакка туран хаалаахтаабыттара. Мин Хоохуйааным эрэйдээх ыраатан эрдэхпинэ, «ханна бардыҥ» диэбиттии иҥэрсийэн ылаахтаабыта.

Подробнее...
 

Кыыс ыһыаҕа

Кыыс ыһыаҕа

(Манчаары Мээндигигэ сырыытын туһунан номох)

Василий Васильев - Харысхал

xarusxal 48686Кыыс Амма биир маанылаах кытылыгар Мээндиги эбэ хотуҥҥа аал уоту оттон, торҕо буруону унаарытан, төрөтөр оҕону төлкөлөөн, иитэр сүөһүнү күрүөлээн Бөлөнүүскэйдэр диэн төрүт-уус дьоннор олорбуттара. Хороҕор муостаах хотуна Ала Мылахсын барахсан маанылаан маанылаабыт ыаллара этилэр, хотоол хотоол аайытын хотолдьуйбут үөр сүөһү Бөлөнүүскэйдэр имнэрэ имнээх буолаллара.
Дьэ, бу аймахха уол оҕо баҕалаах эбит, аҕыс-тоҕус оҕоттон биирэ эрэ уол оҕо буолар, онтулара да оһоҕос түгэҕэ! Ол да иһин буолуо Дьөгүөр уола эһэтин аатынан Бүөтүр буолар, Бүөтүр оҕото эһэтин амыдайдаан Дьөгүөр буолар.
Бөлөнүүскэйдэр майгылаах бастыҥа дьон үтүөтэ буолан, кими да атарахсыппакка, атаҕастаабакка «Скороульскай» диэн нуучча суругар киирбит Мээндигигэ олохтоох Үс Хоро улууһун дьонун иилээн-саҕалаан, «аҕа баһылык» аатын ылбыттар. Мээндиги дьоно-сэргэтэ балаҕан ураата эрэ көстөр халыҥ хаардаах, мас атахтаах уу, умайар уот кураан да дьылларга аҕа баһылыктарын мындыр өйүнэн, сатабыллаах дьаһалынан уҥа-хаҥас дайбаһан олорбуттар.

Подробнее...
 


Страница 2 из 4

Иван Шакуров

И.Ю. Пестряков

Афиша

Олоҥхо театра X-с сезонун арыйар
Олоҥхо театра Xс сезонун арыйар Алтынньы 15 күнүгэр киэһэ 17.00 чаастан Алтан Сарын "Эллэй Боотур" айымньытынан...

Поиск