Саарын - "Ааттаах кыыс"

 
 

Олоҥхо эйгэтэ кэҥиирин туһугар

Elena P 1 963x540 daf26Өрөспүүбүлүкэҕэ биир саамай үчүгэй үлэлээҕинэн биллэр-көстөр Мэҥэ Хаҥалас улууһун Аллараа Бэстээхтээҕи Олоҥхо дьиэтигэр, саха героическай эпоһыгар – олоҥхо эйгэтигэр үлэлиир дьон түмсэн, сылы түмүктүүр, саҥа сылы көрсөр Дьоро күннэрин тэрийэн ыытыы үтүө үгэскэ кубулуйда. Быйылгы да тэрээһиннэрэ үрдүк таһымнаахтык ыытыллыбыт.

Александр Николаевич бастыҥнары наҕараадалыыр

Ол туһунан биһиэхэ өрөспүүбүлүкэтээҕи “Олоҥхо ассоциацията” уопсастыбаннай түмсүү I вице-бэрэсидьиэнэ Елена Протодьяконова бу курдук кэпсээтэ:

—Олоҥхо эйгэтигэр үлэлиир дьон Аллараа Бэстээххэ Олоҥхо дьиэтигэр түмсэн, итии чэйдээх сандалы тула олорон, санааларын сайа эттилэр, инникини торумнаатылар, сүбэлэстилэр-амаластылар, ырыаны-тойугу да дьиэрэттилэр. Көрсүһүүгэ Ил Түмэн спикерэ, Олоҥхо иккис уон сылын тэрийэн ыытыыга Национальнай кэмитиэт бэрэссэдээтэлэ Александр Жирков, СӨ үөрэҕин миниистирин I солбуйааччы Феодосия Габышева, Мэҥэ Хаҥалас улууһун баһылыга Николай Старостин кыттыыны ыллылар, санааларын эттилэр, соруктары туруордулар. Александр Николаевич Жирков сыл түмүгүнэн бастыҥнарга Национальнай кэмитиэт Бочуотунай грамоталарын, Олоҥхо уонна Арчы дьиэлэригэр олоҥхо персонажтарынан оҥоһуллубут куукулалары үөрүүлээх быһыыга-майгыга туттарда.

Подробнее...
 

Олоҥхону олоҥхолоон уруйдуоҕуҥ!

olonxo suntar 7caacСунтаар улууһун олоҥхоһуттарыгар, олоҥхону уһуйааччыларыгар быйылгыттан саҕалаан улахан анал ааттар иҥэриллэр буолуохтара.

Ол курдук «Сунтаар улууһун кылаан олоҥхоһута» анал аат үс сылга биирдэ Сунтаар аатын ааттатар, олоҥхону бүттүүн толорон элбэх ситиһиилээх толорооччуга иҥэриллиэҕэ. «Сунтаар улууһун олоҥхоҕо бастыҥ уһуйааччы» аат элбэх оҕону, улахан дьону олоҥхоҕо уһуйан кэккэ китиһиилэммит дьоҥҥо иҥэриллиэҕэ. Оттон «Олоҥхону айааччы» анал аат олоҥхону суруйан холонооччуларга кинигэ таһааралларыгар кыах бэриллэр буолуоҕа.

2017 сылга Олоҥхо түмсүүтэ саҥардыллан араас хабааннаах үлэни ыытта. Үлэ киһитин уруйдуур Сунтаар уйгулаах ыһыаҕар “Олоҥхо — айыы сиэрин түстүүр улуу күүс” улуустааҕы олоҥхону толорооччулар күрэхтэригэр 80 киһи кыттыыны ылан 18 олоҥхо толорулунна. Ол түмүгэр, “Бастыҥ олоҕурбут ньыманан олоҥхону толорооччу” ааты улахан дьоҥҥо Макарова Изабелла Ивановна (Элгээйи), оҕолорго Күндэ аатынан Кутана орто оскуолатын 3 кылааһын үөрэнээччилэрин бөлөҕө (сал. Афанасьева М.П.), “Бастыҥ олоҥхо сүрүн геройдарын тойугун толорооччу” ааты улахан дьоҥҥо Егорова Мария Ивановна, оҕолорго Бордоҥтон Сергей Яковлев (сал Петрова Л.Г), “Бастыҥ театрализованнай көрдөрүүнэн” Сунтаардааҕы “Ньургуһун” уһуйаан (сал Алексеева Т.А.) ааттаммыта.

Подробнее...
 

Саҥа дьылынан!

hnw 2f870

Күндү Олоҥхо тыйаатырын айыы аймаҕын, күн өркөн дьоно!

2018 сыл - Ойуунускай 125 сыла.
Дьулуруйар Ньургун Боотур олоҥхону саҕалыаҕыҥ!
Курустаал таас дыбарыас тутулларыгар эрэниэҕиҥ!
Айар эйгэҕэ үрдүк ситиһиилэри баҕарабын!
Саҥа Дьылынан!

Сахалыы айхал, урааҥхайдыы уруй!
Самныбат саргыланыҥ, үрэллибэт үөрүүлэниҥ!

Тыйаатыр дириэктэрэ Битээлий Былааһап,
Дьокуускай, 31.12.2017

 

С Новым годом!

happy new c1654

 


Страница 1 из 232

Иван Шакуров

И.Ю. Пестряков

Поиск

Карта посетителей